KRALENDIJK- Marylou Felida ta bai reinforsá e partido MPB i ta kanando e trayekto pa forma parti di e lista di MPB pa elekshon di Konseho Insular 15 di mart 2023. 

Felida ta yu di un tata ku a nase na Boneiru, mientras su mama si a nase na e isla di Kòrsou. Felida mes tambe a nase na Kòrsou pero ta biba na Boneiru i ta traha komo konsehero den e departamentu di Rekurso Humano na Fundashon Mariadal. 

Promé ku esaki e tabata traha na St. Elisabeth Hospital pa 16 aña den e departamentu di Rekurso Humano. Banda di su funshon diario e ta un entrenadó boluntario di natashon pa mas ku 7 aña. Den esaki hasiendo uso di su eksperensia, komo ku e mes a hasi e deporte di natashon pa mas ku 15 aña i alabes komo entrenadó e ta hasi uso di su abilidatnan pa coach i motivá loke ta bini dilanti den su área profeshonal di rekurso humano.

E motibu ku Felida a disidí pa djòin polítika t apa yuda hende na un eskala mas grandi ku e por hasi awor aki. “Lesando e programanan di akshon di partidonan na Boneiru mi a saka e konklushon ku ta MPB ta e partido ku por sigui trese kambio i sigui krea un mihó kalidat di bida pa e pueblo di Boneiru” asina Felida a bisa.