KRALENDIJK – Djaweps, Ministro Hugo de Jonge a firma un akuerdo di bibienda ku Openbaar Lichaam Bonaire (OLB), Fundashon Cas Boneiriano (FCB) i e Kompania di Agua i Energia Bonaire (WEB). E acuerdo, ku ta prové di konstruí kas asekibel pa e pueblo lokal, a ser ratifiká na e proyekto nobo di konstrukshon na Hato, kaminda aktualmente ya ta trahando mas ku 200 kas. 

E akuerdo ta inkluí konstrukshon di un total di 2,144 kas asekibel na Bonaire. E lokashon di e promé 600 kas a ser determiná i un suma di 10 mion euro a ser disponé pa realisashon di nan.

“Awe ku e akuerdo a ser firmá, ta ora di akshon,” asina De Jonge a bisa. E minister a agregá ku kresementu di vivienda nobo no mester bai na kosto di protekshon di naturalesa. Sinembargo, segun e minister, pa pone un límite na kresementu e isla, ta responsabilidat di Bonaire mes i no di Hulanda.

Diputado Hennyson Thielman i James Kroon a enfatisá e papel aktivu di gobièrnu den e proseso aki i a abogá pa mas ku solamente firma di e akuerdo. “Nos no ke solament firma akuerdonan, pero nos ke mira akshon konkreto tambe. E proyektonan nobo di konstrukshon lo haña bon kaminda, kuido pa muchanan i supermerkado den bisendario pa krea un ambiente agradabel.”

Paso gigantesko

Presidente di FCB, Ben Oleana, a indica ku e woondeal ta un paso padilanti gigantesko pa tur residentenan di Bonaire. Awor ta tempu pa yuda e hendenan i no solamente enrichi e rijonan. Oleana tambe a mustra su gratitud pa Hulanda, bisa, “Nos a logra kousanan bon, manera politika di tera ta na ordu, tin un komishon di hür, a ser adoptá un tabel di hür, tin garantia di hipoteka, esaki ta yuda e habitantenan. Na 2025 lo tin 444 kas asekibel na Bonaire danki na e woondeal aki.”