WILLEMSTAD – E matutino Bala ta stop despues di 31 aña ku produkshon di un korant di papel. For di awe e korant ta sigui ònlain. Segun e doño, Chati Constancia, e gastunan di imprenta a bira demasiado haltu i no ta bale la pena pa sigui sali tur dia mas riba papel.

A pidi abonadonan pa keda i sigui sostené e kambio, ounke ta ònlain via Facebook. E korant no tin un sitio wèb apart. E intenshon ta ku tur anochi den kareda di 10’or e edishon di e siguiente dia ta disponibel riba Facebook.

E korant di atardi Amigoe  tambe ta atmití ku for di e temporada di corona medionan di prensa skirbí na Kòrsou ta pasando den tempunan difísil. E korant a hisa su preis di benta siguiendo e ehèmpel di e korantnan Èxtra i Vigilante.