ORANJESTAD – Muchanan ku ke bira miembro di Biblioteka Nashonal e proksimo dianan no mester paga nada. E miembresia ta kompletamente grátis. Komo regalo di bonbiní nan ta haña tambe tres wega pòrnada.

E artista Steffen Maas a inventá i produsí weganan pa mucha na Aruba. E pakete ta konsistí di un wega di dominó pa muchanan for di tres aña, un wega di memoria pa muchanan for di kuater aña i un wega di kuarteto pa muchanan for di seis aña. 

E imáhennan den e weganan ta e mésunnan ku a publiká den e buki ‘Mi buki di Aruba’. E buki ei ta ofresé muchanan di Aruba imáhennan ku nan ta rekonosé den  konteksto di nan propio kultura i besindario.

E weganan ta ofresé imáhennan di diferente tópiko, manera kuminda- i kustumbernan, e naturalesa i paisahenan di Aruba. 

E miembresia di mucha ta gràtis i tur mucha ta haña e pakete grátis na momentu di inskripshon i tanten ku tin na stòk.