KRALENDIJK- Siman pasá minister di Enseñansa, Kultura i Siensia a hasi un bishita na ofisina di Dutch Caribbean Nature Alliance (DCNA). 

Despues di a sera konosí ku e tim, a papia tokante e ret di parkenan di naturelsa riba e seis islanan Hulandes den Karibe i e trabou ku e organisashon ta hasi pa protehá naturalesa den region. E enfoke di e bhisita tabata pa papia tokante siensia i investigashon sientífiko. 

DCNA den kombersashon ku e minister a enfatisá ku lokalmente tin hopi konosementu i eksperensia riba nos islanan. “Tambe tin un bon vishon di oke tin mester. Ora ta traha di estudionan sientífiko, e islanan aki tin hopi pa ofresé tambe”. Den e sentido ei, segun DCNA ta bisa, tin un interes komun basta grandi entre e islnan i Hulanda. 

Traha huntu

DCNA a bisa tembe di ta pensa ku trahamentu huntu no solamente ta hasi e islanan individual mas fuerte, pero ku e islanan huntu por kontribuí mas tantu na e region mas grandi di hinter Karibe i ku Hulanda. 

“Traha huntu ta e ta e mihó manera pa protehá medio ambiente, i e mihó manera di arma nos mes kontra di retonan manera kambio di klima, perdida di animalnan den peliger òf diversidat biológiko riba nos islanan”.