A tèst e sunroof mesora pa saka pòtret. Pòtret: ABC Online Media

KRALENDIJK- Djamars mainta Hamoudy Dabboussi, di Dabboussi Motors, a hasi entrega ofisial di e outo marka Changan, na Miss Boneiru, Ruby Pouchet. 

Na e okashon Hamoudy, a papia ku Ruby, un momentu sosial, promé ku a entrega e yabi di e outo na e dama elegante. “Ta un plaser pa nos di Dabbousi Motors, por a skohe pa hasi algu grandi pa e ganadó di Miss Bonaire 2022. Nos gusta duna bèk na komunidat. Bo a gana un outo marka Changan, ku bo por uza durante un aña. Number i seguro ta reglá. Seguro ta di Nagico Insurances  

Na momentu e outo mester di su servisionan, simplemente pasa i nos ta atendé. E outo ta start i paga for di distansia. Por start e outo, sende èrko, habri un parti di e dak, tur esaki, sin mester ta den e outo. 

Danki

Ruby mes tabata hopi kontentu, ku entrega di e yabi. “Ta un outo ku mi tabata deseá. Masha masha danki pa e bunita gesto. Mi no tin palabra pa gradisí. Un premio grandi p’ami,” Ruby Miss Boneiru a bisa  Hamoudy, di Dabboussi Motors.