KRALENDIJK- Awe Marjely Doran, a sali pa El Salvador. Huntu ku un grupo di motosiklista, el a kore den nan tras, sinta den outo i bai aeropuerto Flamingu. E parada di motosaikel a sali dilanti stadion na Playa, pasa den algun kaya i bai aeropuerto Flamingo.  

Na El Salvador, Marjely ta bai kompetí kontra 30 Miss Teen for di diferente pais, pa e título mas importante bou di hóbennan, ‘Miss Teen Mundial 2022’. E sertámen ta tuma lugá dia 30 di yüli binidero. Fundashon BIATA ta e tim ku ta yuda Marjely i awor e ta bon prepará pa e kompetensia den eksterior. 

Huntu ku Marjely a bai su mama Marisona Lauffer i Lake David Lauffer jr i Johnrick Antony. Na Kòrsou ta spera nan un solista ku tambe ta bai El Salvador ku nan. Ta trata di Estilista Gionel Virginie.