WILLEMSTAD – Den kareda di mei anochi un okupante di un outo a pèrdè su bida den un aksidente na fin di Caracasbaaiweg, nèt promé ku rotònde. Un otro okupante di e outo a haña heridonan leve. 

Polis ta sospechá e shofùr di e outo di a hasi maluzo di alkohòl i e ta detené. E señora a deklará ku pa motibu di un maniobra di e outo su dilanti el a pèrdè kòntròl riba stür i a bai dal kontra un palu di lus.

Den e outo tabatin tres persona, tur tres prosedente di Hulanda. E pasahero ku tabata sintá dilantí a risibí heridonan leve i e hòmber ku tabata sintá patras aparentemente a bai dal den e palu di lus i a muri kasi instantáneamente.