KRALENDIJK- Movimentu di Pueblo Boneiriano (MPB), pa medio di su líder di frakshon Junny Wout, a komuniká ku nan tin opheshon kontra e manera ku e proseso pa a prepará pa deliberashonnan ku Hulanda tokante adaptashonnan na WolBES i FinBES a kana.

“E dokumentu aki a keda prepará sin envolvimentu di e poblashon. Pa motibu di esaki, pueblo no a tin e oportunidat pa ekspresá nan opinión,” asina Wout a bisa. 

MPB tambe tin reservashon tokante kiko nan deskribí komo ‘e agènda tras di e dokumentu’. E partido ta tin miedo ku e agènda di e konseho insular ta pa trese sierto kambio den struktura estatal di Boneiru, lokual segun MPB nunka tabata e meta di e diskushonnan tokante e dos leinan. 

Oportunidat perdí

Segun Wout, e falta di transparensia den e proseso di preparashon ta un oportunidat perdí pa un debate habri i transparente tokante e rumbo deseá pa e isla.