WILLEMSTAD – Na mart 2023 Kòrsou ta haña su promé sala di emergensia. Esei minister Dorothy Pietersz-Janga a primintí Asosiashon di Dòkternan di kas di Kòrsou. E asosiashon ta bringa años kaba pa un servisio asina, sin resultado.

E sala di emergensia mester mengua di un banda e binimentu na e Sala di Urgensia na hòspital, pero tambe por organisá e servisionan di anochi i den wikènt sentral. E problema ta ku e minister aktual ke e sala di emergensia na un otro sitio enbes di na CMC.

No tin un akuerdo ainda tokante finansiamentu. E mester bini mas lihé ku ta posibel si, pasobra dòkternan di kas ta kansá ku nan mester kore yega durante anochi i durante fin di siman anto pòrnada. Kompania di seguro SVB ta haña ku e servisio aki ta inkluí den e montante fiho ku un dòkter di kas ta haña pa kada pashènt di su ofisina.