KRALENDIJK – Tourism Corporation Bonaire (TCB), ku colaboración di Fundashon Wega di Number Boneiru i SKAL, ta organisá un Nochi di Kompra di Pasku, kombinad ku un Fiesta di Barí, riba djabièrnè 20 di desèmber 2024, di 6 or di atardi te 9 or di anochi. E evento aki lo tuma lugá den Kaya Grandi i e kompletu Centrumgebied.

Durante e evento, Kaya Grandi lo ta sera pa tráfiko pa permití bishitante i lokal pa kana rònt i disfruta di e ambiente di Pasku mientrastando nan último kompranan. Papa Pasku lo ta presente pa e muchanan i lo tin oportunidad pa saka pòtrèt kué.

Fundashon Wega di Number Boneiru lo repartí 200 regalito pa nos muchanan di Boneiru. Na diferente lugá den Kaya Grandi, lo tin músika, entre otro di Gaitas Las Unicas Fabulosas di Aruba, Tutti Frutti, Foyan Boys, i DJ Marv. Esaki ta nifiká ku un ambiente dushi ta garantisá! Además, tin varios stènt ku ta bende pasaboka tradicional di Pasku, manera ayaka, oliebollen na El Mundo, obra di man di Pasku, i mas di Marshe di Playa i Bonaire Art & Crafts Association. Voedselbank tambe lo t’ei presente pa risibí donashon.

Despues di e Nochi di Kompra, lo sigui un Fiesta di Barí ku lo bira un tremendo ambiente di fin di aña te 12 or di anochi den Parke Wilhelmina, ku Grupo Los Originales i Grupo Tambú Ruta di Kòrsou.

Tur hendenan lokal i bishitantenan ta bon biní pa bin disfruta di e evento aki i selebrá e temporada festivo akí riba djabièrnè 20 di desèmber 2024.