WILLEMSTAD – Djamars Parlamento a bai di akuerdo ku e presupuesto 2023 pa pais Kòrsou. E djestres miembronan di parlamento di koalishon MFK i PNP a vota na fabor i shete miembro di oposishon a vota kontra. Solamente Michelangelo Martinez di partido KEM no a vota.

E tratamentu di presupuesto a trata spesialmente kon realístiko e ta. Segun e oposishon a tene muchu tiki kuenta ku e retonan ku pais ta enfrentá.

Gobièrnu a tuma e refinansiamentu di debenan bieu komo punto di salida pa ekilibrá e presupuesto. Un stap ku Kolegio di supervishon finansiero no ta bai di akuerdo kuné. Tampoko no a inkluí e riesgonan den salubridat, entre otro Curaçao Medical Center CMC.

Miar

A kalkulá e gastunan riba servisio regular den e presupuesto nobo na algu mas ku 1,7 miar florin, mientras e gastunan riba servisio di kapital ta algu mas ku un miar florin.

Gastunan di invershon pa merkansia ku ta duna fruta duradero ta kai bou di servisio di kapital. E total di entrada i gastunan koriente di pais ta kai bou di servisio regular.