Den Haag- Na Hulanda gabinete Rutte a bin ku un inishativa pa pasahero ku ta yega ku avion na sea Schiphol, Eindhoven of Rotterdam/The Hauge airport por hasi un tèst rápido nan mes pa wak si nan ta kontagiá ku e virus di Covid-19.

Minister Hugo de Jonge di Salubridat Públiko den kurso di djabièrne a bai Schiphol pa yuda parti e tèstnan na pasahero ku a kaba di yega for di eksterior. “Asina nos por prevení ku un hende infektá ta hiba e virus pa su kas òf pa koleganan nan trabou, simplemente pasombra e no ta konsiente ku e ta karga e virus”, asina de Jonge a splika. E tèstnan rápido ta gratis.

Segun gabinete Rutte, tèstmentu masal ta un di e maneranan pa yuda kontené e plamamentu di Covid-19 na Hulanda.