KRALENDIJK – Piloto di KLM Niels de Leeuw ta hasi esfuerso na un manera spesial pa rekoudá sèn pa Billy Valentijn, un hóben ku ta sufri di un forma serio di kontrakshon di múskulonan. De Leeuw ta bai kore dia 24 di novèmber awor e maratòn di Kòrsou. No riba kèts spesial pa kore duru, pero riba sandalia. Te ku awor el a generá kaba 2.500,00 euro pa e kampaña, di moda ku e markadó ta pará awor na 26.500,00 euro. 

E storia di Billy Valentijn ta konosí. E hóben prosedente di Boneiru, ku tin kontrakshon inkontrolá di múskulonan, lo tin hopi gana di bini un biaha mas den su bida Boneiru. Riba 24 di novèmber awor De Leeuw ta bai partisipá na e maratòn di Kòrsou. Pero enbes di kana riba kètsnan profeshonal pa kana duru, e lo kana e 42 kilometer riba slòf, un gesto yamativo i desafiante pa pidi atenshon èkstra pa e akshon di rekoudá fondo. Por hasi donashonnan ainda via su plataforma run4billy. 

Montante final na bista

E rekoudashon total ta pará awor na masoménos $ 26.500,00, pero mester di hopi mas pa logra e meta. E boluntarionan a hasi un kalkulashon kaminda e gastunan total ta den kareda di $36.000,00. Apesar di e sosten kresiente for di diferente skina, KLM mes, kaminda tin ku bai kumpra e pasashi, no a duna niun reakshon òf kontribushon pa e akshon di nan propio piloto. A aserká e kompania di aviashon Corendon tambe pa eventual sosten di nan banda. Nan tampoko no a reakshoná ainda.

Bo tambe ta yuda Billy bai Boneiru? Bo por hasi bo donashon aki