WILLEMSTAD – Gilbert ‘Gibi” Bacilio di Plataforma di Sklabitut i Patrimonio di Sklabitut na Kòrsou ta kontentu ku rei Willem-Alexander ta suprayá den su mensahe di pasku “e echo históriko ku estado Hulandes porfin a rekonosé ku su antesesornan gubernamental a kometé un krímen kontra humanidat”.

Bacilio ta kontentu tambe ku rei Willem-Alexander ta indiká ku e despensa no ta un final, sino e komienso di un era nobo. Un etapa nobo kaminda awor si nos ta bai duna otro un man di sosten. E komienso di sanashon i rehabilitashon real.

Segun Bacilio rei ta rekonosé ku último desenio a skucha otro muchu tiki. “A duna otro muchu tiki espasio, ainda tin muchu hopi deskonfiansa”, Bacilio ta bisa.

“Den su diskurso rei Willem-Alexander a konektá e pasado, e presente i e futuro na otro. Ku esaki e ta enfatisá ekplísitamente ku no por tin despensa sin rekonosimentu, sanashon i rehabilitashon. Rehabilitashon en partikular di tur forma aktual di inhustisia. Esaki ta duna e siudadano kurashi.”