KRALENDIJK – Agentenan di Kuerpo Polis Karibe Hulanes (KPCN) den wikent tras di lomba a detené atrobe diferente chofùr durante e fin di siman, ku tabata tras di stür ku muchu alkohòl den nan kurpa.

Djasabra anochi nan a detené J.Y.J.S. di 21 aña despues di informe di un hende ku tabata kore di forma iresponsabel. Un siudadano atento ku a wak e komportashon aki a sa di saka S. for di su outo i a yama polis. Ora polis a presentá na a sitio, nan a topa ku e shofùr en kestion ku síntoma di ta bou di influensia di alkohòl. 

Djadumingu mainta, pa 4 ‘or di mainta, a detené un homber di 43 aña ku inicialnan I.G.G. despues di ku e a kousa un aksidente di tráfiko na Kaya Avelino Cecilia i a sigui su kaminda sin para. Ora nan a detené e homber, esaki tabata papia ku un lenga diki i e tin wowonan ku tabata yen di sanger. Ademas, e no por a kana bon mas. Banda di tur esaki a resultá ku e no tabata disponé di un reibeweis bálido.

Atvertensia

KPCN ya vários biaha a atvertí k unan lo tuma medidanan mas  severo kontra shofùr ku ta drenta tras di stür despues di a bebe alkòhol. Últimamente, praktikamente tur fin di siman ta detené komo mínimo un shofùr pa motibu di ta koriendo bou di influensia. KPCN tambe ta duna avertensia ku den kasonan grave, nan lo wòrdu persiguí kriminalmente i por spera un kastigu di prison.