WILLEMSTAD – Porfin ta bai remplasá e kaminda na e krusada dilanti di Kooyman i Candy Barrel na Zeelandia. Servisio di Obranan Públiko ta kuminsá djamars 11 di aprel ku e trabounan di rekonstrukshon.

E trabou ta bai dura kuater siman. E kontratista ta Curaçaose Wegenbouw Maatschappij, CWM. Nan ta traha di 8’or di mainta te 4’or di atardi.

E trabou no ta enserá solamente kita e asfalt bieu i pone asfalt nobo, pero tambe ta bai pone pipa di awa pa deskarga i ta bai atendé e situashon pa evitá ku awa ta keda para na e sitio aki.

Ta sera e krusada di Kaya W.F.G.Mensing i Andre J.E.Kustersweg kompletamente. Outomobilistanan mester hasi uzo di rutanan alternativo pa yega e pakusnan na Zeelandia. Tin bòrchi pa guia e outomobilistanan.