WILLEMSTAD – Gasolin ta baha djamars ku 15 sèn i ta bira 2,81 pa liter. Disel ta baha ku 22,5 sèn i ta bai kosta 2,40 pa liter. Esei kontroladó di Ofisina di Pòst i Telekomunikashon a anunsiá ayera.

E bahada di preis ta prinsipalmente konsekuensia di preis di kompra mas barata. Den e tarifanan tin ainda si e supsidio, ku ta pone ku e preis di gasolin de fakto mester ta 25 sèn mas haltu. Pa disel esei ta kasi 17 sèn.

Preis pa gas no ta kambia. E montante supsidiá pa un silinder di gas grandi ta keda ochenta florin, mientras un bòter di gas chikitu ta keda kosta djesseis florin.

E tarifa pa koriente i awa ta subi si i esei ta sosodé entrante 1 di sèptèmber. E grupo di tarifa mas barata te 250 kWh ta paga aweró 77,5 sèn. Esei ta mas ku 2,5 sèn pa kWh. Awa ta subi ku konsumo te nuebe kuub ku 36 sèn pa kuub i ta bira 9,66 florin.

E subida di preis di koriente i awa ta en partikular resultado di gastunan promedio mas haltu di kombustibel pa produkshon di koriente. Pa awa ta e gastunan mas haltu di koriente ku ta hisa e preis.