PHILIPSBURG- E preis pa un liter di gasoline ta bai subi ten a 3 florin ku 30 sèn na St. Maarten, ku ta igual na 1 dòler ku 84 sèn. Esaki ta bastante mas kostoso ku ta e kaso na Boneiru, por ehèmpel. 

Gobièrnu di e isla ta bisa di ta lamentá e subida. “Nos a spera ku pa awor e preisnan riba merkadonan internashonal lo a kuminsá baha, pero esei no ta e kaso ainda”, asina un komunikado di prensa di gobièrnu ta bisa. 

Segun gobièrnu ta trahando ainda riba medida pa yuda baha algu bèk for di e preis pa liter di gasolin, pero ainda esaki no ta e kaso. Na otro islanan si pa gran mayoria a kita akseins for di gasoline, pa yuda kontené e subida.