WILLEMSTAD – Kòrsou ta sufriendo di un bahada konsiderabel den turismo a konsekuensia di preisnan di pasashi haltu. Esei Curaçao Association of Hospitality and Tourism Accommodations, CASHA, ta informá. 

Luna pasa tabatin un índise di kobertura di 64 porshento. E luna anterior Casha tabata kibra kabes ainda ku un kobertura di 86 porshento. E bahadanan aki tabata den tur aspekto, inkluso akomodashonnan, hür di outo, atrakshonnan i sentronan di buseo. Wéspetnan ku a buk un apartamentu via Casha tabata prinsipalmente di Brasil i Kanada, dos merkado ku ta kresiendo i ku ta kompensá e eskases di wéspetnan Europeo.

Riba tereno di hürmentu di outo dos miembro di CASHA a mèldu un índise di kobertura di algu mas ku sinkuenta porshento, un bahada di kasi djes porshento kompará ku luna di aprel i un bahada konsiderabel kompará ku 75 porshento di aña pasá.

E sifranan di kobertura pa atrakshonnan tabata ku sinkuenta porshento komparabel ku hürmentu di outo, un bahada di binti porshento kompará ku luna pasá.

Sentronan di buseo a eksperensiá un semehante bahada, ku un índise di kobertura di 56 porshento, 24 porshento ménos ku un luna promé.

E bahadanan aki a kondusí na kòmbersashon- i plannan di akshon pa mehorá turismo na Kòrsou. E problemanan ku a diskutí den reunion di Curaçao Tourism Board, CTB, tabata entre otro e situashonnan di tráfiko, ku segun bishitantenan ta peligroso i ladronisia na sitionan di buseo. Mientrastantu a tuma akshon pa enfrentá e problemanan aki.