Kralendijk – Tres luna pasá Entidat Públiko Boneiru huntu ku Selibon NV a inisiá ku e programa ‘Brùg pa Oportunidat’. Ta un programa di seis luna ku ta konsistí di fèrfmentu, mantenshon i plug di kap. E tim ta konsistí di diessinku persona repartí den e diferente partinan di e programa.

Tres luna pasá trabounan a inisiá na Te Amo Bich/Donkey Bich. Aktualmente e tim ta riba Kaya Gobernador Debrot i lo sigui te na Gotomeer. Despues e tim ta drenta bario di Rincon pa asina hasi mantenshon na e roinan den e bario.
Pa e motibu aki diputado James Kroon i diputado Hennyson Thielman a realisá un bishita di trabou pa asina pone nan mes na altura di e trabounan ku e tim ta hasiendo. 

Diputado Kroon den su palabranan di elogio pa e tim a trese dilanti ku di parti di Kolegio Ehekutivo nan ta sumamente satisfecho ku e trabounan ku e tim ta hasi. El a felisitá nan pa esaki i a enkurashá nan pa sigui ku e bon trabou.  Finalmente diputado a pone nan na altura ku e tim tin tur sosten di parti di Entidat Públiko Boneiru.

---

Lesa tambe:

• 
  OLB ta kuminsá eksplorá snèk saludabel pa mucha na Kolegio San Luis Bertran
• 
  No tin sufisiente klaridat ainda di ‘promé stapnan’ na lèntfel Boneiru despues di intervenshon di Hulanda
• 
  Tourism Corporation Boneiru satisfecho ku partisipashon na DEMA Diveshow
• 
  Subway Boneiru a habri bèk despues di renobashon
• 
  Prosedura pa mèldu negoshi di hóreka i negoshi di konstrukshon a kuminsá ofisialmente