KRALENDIJK- Un ekipo di e programa pa hubentut, Het Klokhuis, di NTR tabata na Boneiru den dianan ku a pasa pa filma pa un program tokante oseano.

Presentadó Janouk Kelderman, huntu ku e lider di proyekto di Wereld Natuurfonds Stacey Mac Donald a bishitá lugánan manera Klein Bonaire, Bari reef i Margarete Bay.

Na Klein Bonaire, Sea Turtle Club Bonaire(STCB) a filma un nèshi di Tortuga ku a kaba di sali i kaminda ku a guia e tortuganan hoben den direkshon di laman. Tambe a filma koral ku ta den bon estado, pero tambe e proyekto di Reef Renewal Bonaire, kaminda ku koral kultivá ta wòrdu plantá kaminda ku no tin koral mas.

Huntu ku Clean Coast Bonaire a piki shushi i a papia tokante e problemátika aki. Por último a hasi bishita tambe na Mangrove Maniacs. Palunan di mangel ta hunga un ròl importante pa loke ta bida di refnan ku ta rondoná nos isla.

Na komienso di 2022 lo transmití e grabashon.