KRALENDIJK – For di djárason 20 di aprel 2022, biaheronan bakuná i no bakuná mester yena solamente un deklarashon di salú pa nan biahe pa Boneiru. 

For di e fecha ei, biaheronan no mester tèst òf entregá un prueba di rekuperashon òf prueba di bakunashon mas pa nan biahe. Esei ta konta pa biahero for di tur pais. Di biaheronan ta spera ku nan ta yena e deklarashon di salú konforme bèrdat.

“For di basta tempu kaba na Boneiru, e kantidat di hospitalisashon ta stabilmente abou. P’esei ta posibel pa laga lòs awor e kondishonnan di biahe ku tabata konta pa e isla akí” asina Entidat Públiko a komuniká djarason.

Den mesun rosea gobièrnu di Boneiru ta mustra riba e echo ku si den futuro sali un variante nobo di e vírùs di corona ku ta kousa keho serio, lo evaluá e kondishonnan di biahe di nobo. “Ta posibel ku teniendo kuenta ku e variante nobo ta adaptá e kondishonnan di biahe”, segun EPB.