WILLEMSTAD – A renová  e área di rekreashon Zakito, konosí komo Koredor. Diariamente diferente grupo i individuo ta hasi uso di e área aki pa deporte, movishon i aktividatnan sosial. E renovashon tabata na enkargo di Curaçaose Tourist Board CTB.

E área ta konsistí di diferente palapa, dos kaminda pa BBQ, un sitio ku diferente aparato pa hasi deporte den aire liber i un espasio pa hunga pa mucha.

CTB ta responsabel tambe pa supervishon, mantenshon i limpiesa di e área di rekreashon Zakito. P’esei a nombra un supervisor pa operá  i kuida e área.

Petishon

For di awe tur persona ku ke organisá un aktividat bou di un di e palapanan òf na e sitionan pa BBQ, mester entregá un petishon via www.zakito.net. Esaki ta nesesario pa strukturá tur petishon i pa por tin un mihó kòntròl riba e aktividtnan ku ta tuma lugá na e diferente sitionan.

Finansiamentu pa renovashon di e área di rekreashon Zakito ta bini di Ministerio di Desaroyo Ekonómiko.