KRALENDIJK – Rijna, un kara konosí na Boneiru. E èks gezaghebber mester a duna guia den e temporada ku Boneiru mester a lidia ku e vírùs di corona. Diripiente su término di funshon a yega na su final. Rijna a kuminsá mésora ku su ròl nobo komo representante spesial. Den e funshon aki e ta purba di atraé fondo pa Boneiru, Saba i Sint Eustatius. Bonaire.nu a papia ku Rijna ku despues di un aña ta mira resultadonan positivo drenta.

Den e periode di 2014 te ku 2023 Edison Enrique Rijna tabata gezaghebber di e isla Boneiru. Den e periodo aki e mester a lidia komo lider ku e vírùs di corona riba e isla. Un periodo desafiante. Na 2020 a prolongá su término di funshon ku seis aña. E periodo aki a terminá abrupto na 2023, ora e lider a anunsiá ku e tin un funshon nobo komo representante spesial. Den e funshon aki e enfoke pa Reina ta pa buska fondo riba tereno di kambio di klima, konektividat, siguridat di kuminda, fuentenan di energia duradero i diversifikashon ekonómiko. For di 1 di aprel Rijna i su tim ta dirigiendo nan mes por eskrito pa haña fondo pa islanan BES (Boneiru, St. Eustatius i Saba).

“Mi por bisa ku nos tin e promé éksitonan”, segun Rijna ku den su promé seis lunanan komo representante spesial tabata skirbiendo un rapòrt general i duna forma na su gabinete. “Hulanda a keda sin uza  hopi fondo dentro di Union Europeo (EU). E fondonan aki tabata entre otro destiná pa islanan BES. Pero simplemente no a hasi petishon pa disponé di  nan. Promé ku a apuntá ami komo representante spesial, no tabatin ningun hende ku tabata atendé ku esaki”.

Boneiru  ta un munisipio spesial di Hulanda. Pa hopi tin biaha ainda no ta kla ku e isla ofisialmente no ta miembro di EU. Sinembargo e isla por apliká si pa supsidionan Europeo. Estadonan di EU Fransia, Hulanda i Dinamarka tin huntu djestres teritorio ultramar. E islanan ei ta haña fondo pa por ehèmpel kaminda, purifikashon di awa i riol. Ta finansiá esaki for di EU. Ta parti 550 mion dòler entre e islanan. Mitar di e presupuesto ta bai outomátikamente Groenland (parti di Dinamarka). E sobra di e sèn aki ta destiná pa e otro islanan.

Rijna ta splika: “Fransia ta atendiendo esaki semper bon. Un ministerio spesífiko ta trahando aktivamente pa konseguí fondo pa e islanan. Di e manera aki e pais a haña ocho biaha mas tantu sèn ku Hulanda. Promé ku mi a asumí e funshon komo representante spesial, Hulanda pues mes a hasi tiki.

Fondonan disponibel na Bruselas 

Praktikamente mirá empresa- i otro organisashonnan na Boneiru tin derecho riba un sierto fondo. Bintidos pòchi ku sèn ta destiná pa e organisashonnan aki. Segun Rijna e organisashonnan aki ku ta na e islanan BES por tuma kontakto kuné pa haña sierto finansiamentu: “Laga nos pone ku un empresa ta dirigí su mes riba hortikultura of riba siguridat di kuminda riba un di e islanan BES. Nan por tuma kontakto ku e punto di kontakto internashonal di Boneiru, Saba òf St. Eustatius. Ku nan plan i nos ayudo, nan por dirigí nan mes por eskrito pa un fondo na Bruselas. Bo ta pensa aki por ehèmpel riba plannan pa sigui mehorá digitalisashon, kambio di klima, siguridat di kuminda i fuentenan di energia duradero”.

30 pa 2030

EU nan ku nan a establesé huntu un meta. Na 2030 mester a baha e efekto di keintamentu global ku 55% kompará ku e nivel di 1990. EU a skohe islanan BES pa na aña 2030 uza energia kompletamente duradero. Fondonan pa esaki lo por bira disponibel. Kuantu, ta dependé di e gastunan. Kompania di Awa i Elektrisidat di Boneiru (WEB), STUCO (Statia Utility Company N.V.) i Saba Electric Company (SEC), a entregá huntu ku e gobièrnunan di e islanan i ku sosten di e representante spesial un proposishon, pa bini na remarke pa un fondo. Saba tin energia duradero pa 90%. St. Eustatius pa 80%. Boneiru ta kana atras ku solamente 40%. E añanan benidero EU ta guia nan pa yega na 100% durabilidat di e produkshon di energia. 

“Pa Boneiru ta un reto grandi pa optené e meta aki. Pa e dos otro islanan mi ta kere ta mas fásil pa alkansá e meta. Huntu nos a traha un programa, ku a entregá na EU. A aprobá e programa. Ta e promé éksito ku nos a logra. Kiko bo lo por spera awor? Baterianan èkstra, panelnan solar òf molinanan di bientu ta ehèmpelnan pa operá kompletamente duradero. Finalmente e kompanianan di koriente riba e diferente islanan mester ehekutá e plan. Finansas ku eventualmente  bira disponibel pa esaki, no ta bai pa gobièrnu. E kompanianan ku ta partisipá ta haña esaki. Banda di esei un gobièrnu no tin e posibilidat pa ehekutá e tipo di plannan aki. Esei un kompania manera WEB por ehèmpel si tin”, segun Rijna.

Ken ta Edison Rijna?

Edison Rijna a nase 7 di yüli 1967 i ta un èks gezaghebber di Boneiru. Despues ku e tabata gezaghebber interino el a bira gezaghebber di e isla di 22 di ougùstùs 2014 te ku 18 di aprel 2023. Komo gezaghebber e tabata responsabel pa gobernashon di e isla i e tabata hunga un ròl importante ora e tabata representá e interesnan di Boneiru dentro di Reino Hulandes. Promé ku su término di funshon komo gezaghebber Edison Rijna tabata aktivo komo ámtenar i el a okupá diferente funshon den e sektor públiko na Boneiru. Rijna a sali for di su funshon na aña 2023, despues ku e lider a hañ’é den un konflikto polítiko tokante pèrmit di konstrukshon di Sunset Beach Resort. Esei tabata un di e problemanan. Hopi kompania di konstrukshon Hulandes lo a konstrui resort- i playanan ilegal kantu di kosta Boneriano bou di e régimen di Rijna.

Koperashonnan den Amérika Latino 

E representante spesial no a enfoká solamente riba fondonan ku por hasi petishon p’e den EU. Den su pakete di tarea tin pará tambe pa buska koperashonnan ku Estados Unido. Tambe e ta organisando mishonnan komersial den Amérika Latino. Segun Rijna aki konkretamente tin oportunidatnan pa Boneiru: “Tempu ku mi tabata gezaghebber, mi tabata lesa tur ora den korantnan ku un mishon komersial for di Reino Hulandes tabata kaminda pa Repúblika Dominikana òf Colombia. Loke a yama mi atenshon tabata ku Boneiru no tabata presente. Esaki a sorprendemi”.

E pakete di tarea di Rijna pues ta variá. Komo representante spesial el a haña e posibilidat pa organisá mishonnan komersial pa Boneiru. Atrobe un ròl nobo. “Mi a haña awor un posishon na Asuntunan di Interior, ku ta duna mi posibilidat pa organisá mishonnan komersial. Pa e motibu ei bo a mirami papia na Colombia tokante un konekshon aéreo dirèkt entre Boneiru i Colombia. Tourism Corporation Bonaire, BONHATA, i Bonaire International Airport, BIA, tabata wak ki posibilidat tin pa haña un komunikashon aéreo entre Boneiru i Colombia. Ora ku nan a tende ku komo representante spesial mi ta pèrmití pa organisá mishonnan komersial,  mi a hañami enbolbí den esaki. Si mi bai, nan ta risibí nos ofisial. Sino probablemente esaki lo no tabata e kaso”, segun Rijna.

Mas koperashon ku  Colombia

No ta e úniko mishon komersial ku Colombia ta kaminda Rijna ta aktivo. Riba petishon di OLB e representante spesial ta trahando riba ehekushon di un otro mishon. “Boneiru a hasi petishon di un mishon komersial grandi ku Colombia. Esei ta pará separá di e buelo dirèkt entre e dos paisnan. Mi ta invitá Saba i St, Eustatius tambe. E di dos mitar di e aña aki tin un mishon komersial ku e diferente islanan i Colombia ku ami ta bai dirigí”. 

Tanten Rijna ta komprometé su mes pa e islanan BES. No ta ekskluí ku e islanan CAS (Kòrsou, Aruba i Sint Maarten) despues tambe ta bini den e portafolio di e representante spesial. E  islanan aki ta skohe ainda pa tanten nan propio kaminda. 

Fondonan disponibel na Bruselas

Práktikamente mirá ta nifiká ku kompanianan na Boneiru tin derechi riba sierto fondo. Bintidos pòchi ku sèn ta destiná pa kompanianan. Segun Rijna kompanianan riba islanan BES por tuma kontakto kuné pa haña sierto finansiamentu: “Supongamos ku un empresa ta dirigí su mes riba hortikultura of riba siguridat di kuminda riba un di e islanan BES. Nan por tuma kontakto ku e punto di kontakto internashonal di Boneiru, Saba òf St. Eustatius. Ku nan plan i nos ayudo, nan por dirigí nan mes por eskrito pa un fondo na Bruselas. Tambe bo por pensa riba plannan pa sigui mehorá digitalisashon, kambio di klima, siguridat di kuminda i fuentenan di energia duradero”.