KRALENDIJK – Billy Valentijn ku a lanta na Boneiru ta biba pa algun aña kaba na Hulanda. E mucha hòmber ta sufri di kontrakshonnan inkontrolá di su múskulonan i mester di kuido médiko, lokual e por haña einan so. Valentijn tin un deseo: Bini Boneiru un biaha mas. Ku ayudo di lesadónan di Bonaire.nu a logra kolektá un suma grandi. Lástimamente e no ta sufisiente. Esaki ta trese kuné ku pa motibu di  retonan finansiero e boluntarionan probablemente mester posponé e buelo ku a plania pa Billy den yüli.

Mester reservá no ménos ku 36.000 dollar pa trese Billy Valentijn Boneiru. KLM ta ofresé e servisio pa atendé ku transporte spesial manera esaki. Lo mester kita diferente stul. Valentijn no por sinta i lo mester drumi henter buelo den un kama spesial. E preis ku nan ta pidi ta motibu ku e boluntarionan mester bai mesa atrobe. Nan ta keda lucha pa duna Valentijn e soño di su bida.

“Riba konseho di un hefe di benta di KLM nos a bai Bonaire Travel. Nan a bisa ku e pasashi ida i buèlta lo kosta no ménos ku 36.000 dollar serka KLM, Ingrid Havermans, ku tabaka klaramente sorprendí,    a laga sa. “Nos a papia ku un señora ku tin gana di yuda nos. E por buk e buelo. Komo organisashon nos a spar alrededor di 22.000 dollar. Pero pasobra KLM ta pidi un montante asina haltu, nos mester wak unda ta saka e 14.000 mil dollar ei. Esei ta bai bira un reto grandi”.

Havermans mes ta un di e boluntarionan aktivo. E tin ratu kaba ta kolektá sèn pa medio di diferente akshon pa hasi e soño di Valentijn bira realidat. Un di e kosnan ku e mucha hòmber tin hopi gana di dje ta di landa un biaha mas den laman di Boneiru.

“E empleado di Bonaire Travel tabata hopi amabel. Pero el a bisa tambe ku e no por hasi nada na e preis. Esei ta den man di KLM. E guia durante di buelo ta inkluí si den e preis. Nos deseo tabata grandi pa laga Billy bini Boneiru na luna di yüli. Lamentablemente esei no ta bai logra awor. Nos ta keda spera ku KLM òf otronan ke yuda nos pa realisá e soño di Billy”, segun Havermans.

Redakshon di Bonaire.nu a buska kontakto diferente biaha