Kralendijk – E komishonnan fiho di Relashonnan den Reino di Eerste i Tweede Kamer ta organisá e Reunion Interparlamentario di Reino (IPKO) na Boneiru di djaluna 23 di ougùstùs te ku djárason 25 di ougùstùs 2021. IPKO ta e struktura di reunion di parlamentonan di e paisnan den Reino.

Semper parlamento Hulandes ta anfitrion di e IPKO di verano. Despues ku e dos edishonnan anterior (verano 2020 i wenter 2021) a konsekuensia di e situashon di e pandemia di COVID-19, por a tuma lugá solamente di forma adaptá via konferensia di video, e situashon di COVID-19 ta permití e biaha aki pa bini huntu komo parlamentario den Hulanda Karibense. E delegashon nan lo tene kuenta ku e medidanan di COVID-19 ku ta na vigor.

E presidente di komishon i miembro di Tweede Kamer, Jan Paternotte, lo presidí IPKO. Presidente di komishon i miembro di Tweede Kamer, Paul Rosenmöller ta dirigí e delegashon Hulandes.

Programa

Djaluna, 23 di ougùstùs 2021, mèrdia, gezaghèber di Boneiru, Edison Rijna lo yama e parlamentarionan partisipante bonbiní na Boneiru. E mesun atardi kuater delegashon lo duna un presentashon tokante desaroyonan resien na nan pais. Banda di esei e parlamentarionan lo interkambiá ideanan tokante e kurso di e elekshonnan ku a tene an 2021 na Hulanda, Kòrsou i Aruba i tokante e organisashon di e proseso di elekshon.

Djamars, 24 di ougùstùs 2021, mainta lo tin diskushon plenario i den grupo tokante relashonnan mihó i duradero dentro di Reino. Temanan ku lo bini dilanti ta ekivalensia, komunikashon, diversidat, Statuto, derecho humano, estado di derecho i maneho sólido, i ayudo i sosten mutuo. Seguidamente lo profundisá riba esaki pa kaminda ta trata di afspraknan di kolaborashon i ehekushon di e paketenan di pais akordá pa pais. Den tramèrdia lo sigui interkambiá di idea den grupo i despues di forma plenario tokante klima i durabilidat. Esaki lo sosodé a base di algun meta di desaroyo duradero. (SDG’s).

Djárason 25 di ougùstùs, mainta, e delegashonnan lo bishita Washington Slagbaai National Park. Aki lo informá nan tokante mantenshon di naturalesa riba tera i den e awanan rondó di Boneiru. Despues di mèrdia e stipulashon di e lista di afsprak di IPKO ta kontinuá, sigui pa un konferensia di prensa.

Bishitanan di trabou

Banda di IPKO e delegashon di Staten-Generaal lo hasi algun bishita di trabou riba djaluna i djaweps mainta. Esaki ta enserá temanan manera stipulashon di e mínimo sosial, problemátika di pobresa, enseñansa, inovashon i infrastruktura.

E delegashon mester a kanselá e bishitanan di trabou plania na Kòrsou i Aruba, mirando e oumento di e kantidat di infekshon di COVID-19 i e preshon akumulativo riba kuido médiko na e paisnan aki. E delegashon ke prevení ku e ta kontribuí na e plamamentu di e vírùs òf ku inesperadamente mester hasi un apelashon riba e kuido médiko einan, no opstante e medidanan di prekoushon ku nan ta tuma.

Komposishon di delegashon

Eerste Kamer

Paul Rosenmöller (GroenLinks) – lider di delegashon

Eric van der Burg (VVD)

Arda Gerkens (SP)

Alexander van Hattem (PVV)

Jeroen Recourt (PvdA)

Tweede Kamer

Jan Paternotte (D66) – presidente IPKO

Aukje de Vries (VVD)

Jorien Wuite (D66)

Inge van Dijk (CDA)

Attje Kuiken (PvdA)

Laura Bromet (GroenLinks)

Don Ceder (ChristenUnie)

E deliberashonnan entre e delegashonnan ta públiko i por sigui esaki live via Youtube: youtube.com/channel/UCKhNQfhalzbDvt7qHHquj7A/live

---

Lesa tambe:

• 
  Partnernan di CAO pa Islanan BES a topa pa deliberá riba desaroyo 
• 
  Prevení Zika, Dengue i Chikungunya
• 
  Organisashonnan Karibe Hulandes ta traha huntu pa preveni violensia kontra hende muhé
• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei