Kralendijk – E bòksdó Boneriano di 17 aña Ricardi Muñoz a mantene su status di no a pinvikto ora ku el a gana di e bòksdó Rubiano,  Evander Nedd den e kompetishon prestigioso ‘The Title’ na Aruba. 

Ku su viktoria, Ricardi ta para na un impreshonante 4-0 den su karera di bokseo, konfirmando su posishon komo un strea subiendo den e deporte.

Ricardi a logra superá su kontrinkante, ku bini for di un famia ku un base fuerte den deporte di pelea, pa loke ta trata forsa i téknika. A pesar di e herensia di famia di Nedd ku hopi eksperiensia den deporte di pelea, el no por a kontra-arestá Ricardi su determinashon i perseveransia den e reng. Muñoz a demostra ku el ta un representant digno di Boneiru i a dediká e victoria aki ku orguyo pa su isla.

Retonan mas grandi

Bou di guia di kouch William Evertsz di Boxing Fitness Bonaire, i ku sosten di su patrosinadó Bonaire, BECS i Infinity Mode, Ricardi Muñoz a demostrá di nobo ku el ta kla pa retonan mas grandi. 

Su prestashonnan ta un ehèmpel inspiradó pa e komunidat Boneriano i ta dun’é e oportunidat pa representá Boneiru na nivel internashonal.