RINCON- Djabièrne di manera festivo a habri e sentro mediko nobo na Rincon, Rincon Medical Center, bou di un atenshon públiko basta grandi. 

E sentro médiko nobo ta inisiativa di e pareha di dòkter Castro, ku pa hopi aña kaba ta enkargá ku servisio di dòkter na Rincon. 

E sentro médiko nobo no solamente ta mustra hopi mas mihó i moderno, pero e ta hopi mas grandi ku e klínika anterior, ku tabata den uso pa hopi aña kaba. 

Servisio

Banda di e servisio di dòkter di kas, lo tin tambe servisio di Optica Class, sentro dental Hagens i Bonlab. Esaki ta nifiká ku habitante di Rincon por yega na sierto servisio mucho mas serka di kas, ku lógikamente ta algu positivo.