The Bottom/Oranjestad- St. Eustatius i Saba ta e úniko dos lugánan den Reino Hulandes ku por a selebrá karnaval den aña 2021. Esaki danki na ousensia di kasonan aktivo di Covid-19 i, den kaso di Saba, un grado di bakunashon hopi haltu. Tambe ta hunga un ròl ku, kontrali na otro lugá den Reino, Saba ku Statia ta selebrá nan karnaval den luna di yüli.

Gobièrnu di St. Maarten na promé instante a kontemplá pa laga karnaval, ku ta selebrá einan na aprel di tur aña sigui numa, pero basta lihé a kambia nan pensamentu.

Covid-19 sigur no tabata den mente di e Sabano i Statianonan, ku a selebrá nan karnaval ku hopi smak. E karnaval di Saba e aña aki tabata parse mihó organisá i mas diverso ku ta e kaso na otro aña, i esun di Statia tambe tabata hopi animá i kolorido. Nan gran marcha a konosé un total di 6 grupo.

Break

E selebrashon di karnaval ta nifiká tambe ku Saba ku Statia ta e úniko dos islanan den Karibe Hulandes ku tabata tin un ‘break’ di 1 aña den selebrashon di karnaval, pa ta eksakto e aña 2020. Tur otro isla tin ku warda por lo ménos te aña 2022 promá ku nan por bolbe selebrá karnaval manera di kustumber.