WILLEMSTAD – Pasaheronan krusero ku ta bishitá Kòrsou por reservá i paga ekskurshonnan privá delantá. E shofùrnan ku ta afiliá na 24-7 Taxi i ku a sigui kurso di servisio na kliente i konosementu di atrakshonnan di Kòrsou ta ehekutá e ekskurshonnan privá aki.

24-7 Taxi Curaçao ta operá kaba un aña i mei riba e isla ku sinkuenta taksi ku ta afiliá i ku huntu ta realisá mas ku sinku mil kareda pa luna.

E organisashon a agregá aña pasá 25 taksi nobo na su flota total. Tambe a hasi pedida di ocho outo nobo i tur taksi ta haña WiFi gratis. E último lunanan 24-7 Taxi Curaçao a organisá diferente entrenamentu i kurso pa transportá turistanan na Kòrsou pa e shofùrnan ku ta afiliá.