KRALENDIJK – Pa selebrá dia di bestia, Animal Shelter Bonaire ta invitá bo pa un Marshe di buki/ marshe di pruga hopi speshal. Esaki lo tuma luga riba djadumingu 3 di oktober, for di 9 or te ku 3 or na Animal Shelter Bonaire, Kaminda Lagun 26.

Mas ku 6,000 titulo i tur topiko, tambe edishon speshal, buki pa mucha i hopi buki nobo nobo. Nos lo tin un kandidat grandi di artikulo di nos Pakus di Pruga (tienda di marshe di pruga). Tambe bendedónan lokal lo tin kos pa kumpra: Sunsmiles Bonaire, By Des, Sylvia’s Cadeau, Homemade Dog Treats from Dog Partner Bonaire, i mas. 

Lo tin stèntnan di kuminda dominikano i sürinameño i hopi dushi kos di bebe unikó for di Sugar Thief Bonaire i dushi kondimentu, “jams” i “preserves” for di The Island Preserve Company. Banda di esei lo tin oportunidat pa mucha haña nan kara pinta ku Yolanda. Bin gosa un dia pa henter famia. I no lubida, tur nos amigu kacho i pushi ku ta buskando nan kas-pa-semper. E marshe lo duna un bon oportunidat pa pasa serka nan pa un bishita den forma di un “speed date” i asina topa ku bo kamañero perfekto! Pa fabor, djòin nos. Pa mas informashon bel of whatasapp 701-4989.