WILLEMSTAD – Selikor a piki na tur sesenta mil kilo di sushi despues di shete marcha di karnaval e aña aki. Marcha grandi a sobresalí ku bintikuater mil kilo na sushi i Marcha di Despedida Grandi ku mas ku djesseis kilo di sushi.

E prosesadó di sushi ta bisa ku e tipo di sushi no ta diferensiá muchu for di añanan anterior, manera por ehèmpel kùp, bòter, foam i sakunan di plèstik. Nos por mira tambe ku públiko a uza tantu e sakunan di sushi di Selikor komo nan propio sakunan di sushi.

E sesenta mil ku a piki e aña aki ta konsiderablemente ménos ku e mas ku shen mil kilo durante karnaval na 2019. E tempu ei tambe marcha grandi i marcha di despedida tabata e sushadónan mas grandi.