WILLEMSTAD – Blue NAP Americas ta bai realisá huntu ku kompania di elektrisidat Aqualectra un parke solar riba dak di e sentro di data na Seru Mahuma. E proyekto solar riba e dak ta bai produsí 354 KiloWattpiek.

Wattpiek ta un unidat di midi pa midi e kapasidat di panelnan solar pa kombertí energia solar den elektrisidat.  Un wattpiek ta e produkshon di  kapasidat  eléktriko di un watt bou di sirkunstansianan standart.

E uso di koriente ta representá un gran parti di e gastunan di un sentro di data. For di diferente investigashon a sali na kla ku ekíponan  di ICT ta representá mitar di e uso di koriente den sentronan di data.

E ekíponan komplementario, manera èrko, iluminashon i sistemanan di seguridat, ta usa e otro mitar.