WILLEMSTAD – Ta reforsá e vigilansia na Mambo Beach pa kombatí  tráfiko di droga. Lo detené esun ku ta involukrá ku kompra i benta di droga en espera di polis. Esei Vigilante ta informá. 

Mas i mas turista ta keha di presensia di personanan ku ta ofresé droga durante fiestanan riba e playa. Pasobra benta di droga riba playa ta influensiá siguridat i bienestar di e bishitantenan di Mambo, gerensia a skohe pa introdusí for di 1 di aprel 2023 un maneho di “sero toleransia”.

Segun e reglanan di sero toleransia vigilansia tin e derecho pa pidi un bishitante pa bandoná e sitio si e no ta tene su mes na e reglanan di Mambo BLVD. Un di e reglanan mas importante ta ku kada bishitante mester tin un prueba di identifikashon bálido kuné i mester mustra esaki na e bewaker si nan pidi’é pa esei.