WILLEMSTAD/KRALENDIJK- Miembro di Parlamentu di Kòrsou Sheldry Ospea ta preokupá pa e kantidat di hende ku ta bandonando Kòrsou aktualmente pa bai estalbesé nan mes na otro país. 

“Resientemente a bolbe sali den publisidat ku e poblashon di Kòrsou ta birando dia pa dia mas chikí. Ta parse ku desde 2017 Kòrsou ta konosiendo un ‘braindrain’ grandi atrobe. E sifranan menshoná ta spantoso. Na aña 2021 un kandidat di 5.564 pèrsona a bandoná Kòrsou. Alrededor di 3.337 pèrsona a bin biba na Kòrsou. Alfinal mas hende a bandoná Kòrsou – total 2.227 pèrsona – ku hende a bin biba na Kòrsou”, asina Osepa a skibi.

Segun Osepa ta skibi, e problema mas grandi den esaki ta ku esnan ku ta bandonando Kòrsou ta hustamente e pèrsonanan ku un bon ofishi . Segun e parlamentario a mustra, e echo ku refineria Isla a sera i e ambiente ekonómiko na Kòrsou ku un inflashon haltu pa pone hopi hende buska un mihó porvenir den otro pais. 

Boneiru

Osepa ta mustra ku actualmente tin hopi hende ta mudando pa Boneiru tambe. “Nos isla ruman Boneiru ta birando un kompetensha fuerte pa ku empleo di nos hendenan”, asina Osepa a sigui bisa. 

Según e parlamentario, e echo ku e poblashon ta birando chikí ta nifiká ku nos forsa laboral tambe ta birando día pa dia mas chikí. “E konsekuensia ekonomiko di esaki ta desastroso. Den ensenañsa skolnan ta serando. Tin menos hende pa karga e peso di impuesto. Esaki tin komo konsekuensha tambe ku un forsa laboral mas chikitu no por karga tur e gastunan i fondonan sosial di pais. E ta nifiká ku ta ménos trahadó lo mester paga tur e gastunan di penshun general, seguro sosial i órden públiko na Kòrsou. E peso aki pueblo no por karga”.

Pregunta

Mirando tur esaki, Osepa ke sa di Minister kiko ta e maneho di miníster pa atraé mas pèrsonal ku bon ofishi pa asusra e aparato gubernamental, liko ta e konsekuensia pa e sèrvisio di e aparato di gobièrnu awo ku poblashon ta birando mas chikí i kiko ta e maneho di insentiva salarial ku miníster ta implementá pa atraé mas profeshonal pa gobièrnu?

Ademas Osepa ta puntra minister Martina pa por kompartí e maneho di empleá trahadonan públiko ku Parlamentu. Finalmente Osepa ke sa kiko ta maneho di gobièrnu di MFK ku PNP pa krese e poblashon di Kòrsou.