WILLEMSTAD – Tin notisianan ofensivo i menasante ta sirkulando riba medionan sosial den direkshon di Servisio di Impuesto, Javier Silvania ta bisa. E minister di Finansas ta bisa ku e no ta aseptá esaki i lo bai tuma akshon den kolaborashon ku outoridatnan.

E hendenan mester ta konsiente segun Silvania  ku e personal di Servisio di Impuesto ta hasiendo simplemente nan trabou. 

 “Na momentu ku un persona no por paga su impuesto ku e debe, tin semper e opshon pa drenta  un areglo di pago. Ora un persona ta haña ku e personal a trat’é inhusto, por entregá un keho.”