WILLEMSTAD – St. Antonius College ta e promé skol na Ingles den enseñasa di fundeshi. Na luna di yanüari durante un nochi di informashon mayor- i muchanan por haña informashon tokante Ingles komo idioma di instrukshon na Kòrsou.

E idioma di instrukshon den e klasnan aki ta pa gran parti Ingles i ta spesialmente desaroyá pa muchanan ku no tin Ingles komo idioma materno. E konsepto yama English Immersion School, EIS.

Immersion ta un manera pa siña kasi tur aspekto di bida na Ingles, kombiná ku atenshon dirigí pa Papiamentu i Hulandes.

E programa aki ku a desaroyá na midí i ta ko-finansiá pa Konsulado Merikano, ta ofresé muchanan instrukshon na Ingles na un manera aktivo variá i dibertí i ta ofresé mas posibilidat den nan trayekto di estudio despues.

For di 10 di yanüari 2023 mayor-/tutornan por inskribí nan yu via e sitio wèb di Direktiva di Skolnan Romano Katóliko (RKCS): www.rkcs.org òf via e facebook página di facebook  di RKCS. Tambe por traha un sita pa inskribí nan yu riba 10 di yanüari 2023 entre 2’or i 5’or na skol mes.

Ta anunsiá e fecha pa e nochi di informashon  den yanüari mas lihé ku ta posibel.