KRALENDIJK- Aktualmente na e servisio di LVV tin un stagèr ta eksperimentando ku kultivo di un tipo di padestul na Boneiru, e asina yamá padestul di uster (oesterzawam). 

Segun Van Dijk ela nota ku rònt mundu ta kultivá e padestul aki riba material resiklá, manera yerba seku òf bonchi di kòfi moliná ku normalmente lo ser bentá afó. Pa loke ta trata spesífikamente Boneiru, Van Dijk a nota tambe ku na Boneiru no ta resiklando kartòn ainda i pesei ela disidí pa wak si e padestul aki ke krese riba karton bieu, loke por sierto ta e kaso. 

Segundo fase

E promí fase di e estudio di Van Dijk a bai asina bon, ku awor e ta drentando den e di dos fase di e estudio. Pero a logra tanto resultado kokreto kaba, ku Van Dijk i LVV a disidí di kuminsá kompartí algún pòtret ku a promé resultadonan. 

Si logra, di bèrdat, pa kultivá e padestulnan aki na un sierto eskala ta logra dos kos pareu: pa di promé lo no mester di importá e tipo di padestul aki mas i alabes por resiklá kartòn bieu na un manera responsabel.