KRALENDIJK- Fundashon Stichting Dierenlot a hasi un donashon grandi di kuminda pa kachó i pa pushi na a banko di kuminda na Boneiru. 

E fundashon Stichting Voedselbank ta bisa di a keda enkantá i gradesido ku e donashon grandi ku Dierenlot a hasi. “Nos ta hopi gradesido ku e domashon aki”, asina Voedselbank Bonaire a bisa den un reakshon. 

Ku e preis di kuminda ku ta subiendo rápido na Boneiru, hopi residente tin problema pa kumpra sufisiente kuminda pa nan mes, te pa nan por kumpra pa nan animalnan. Ku e krisis di inflashon trabou di Stichting Voedselbank Bonaire ta birando ainda mas importante di loke e tabata ta kaba.