KRALENDIJK –  STINAPA djasabra a bisa  ku nan lo kontinuanado e búskeda di e reptilo, probablemente un kaiman, den e área di Lac/Sorobon.  

Pa proteha residente i bishitantenan, e áreanan lo keda sera te otro aviso, i ta keda prohibi di bai den awa. Esaki, segun stinapa a bisa, pasobra seguridad di tur hende ta prinsipal.

STINAPA a bisa tambe ku nan ta usando teknologia avansá, manera kámera ku ta aktivá ku movementu, tambe drone pa lokalisa e reptil mas lihé, posibel. E búskeda te asina leu sinembargo no a duna resultado.  

Kombersashon

STINAPA a bisa di ta keda den kombersashon ku Entidat Públiko Boneiru (OLB), pero tambe empresarionan den e área pa wak kon esakinan lo por habri nan negoshinan bèk basta ku por hasi esaki di manera seif. Mientrastantu ta hasi un apelashon riba residente I bishitante pa no bishitá e areanan ku a wòrdu será.