WILLEMSTAD – Djamars benidero dia 27 di dezèmber preis di gasolin i disel ta baha supstansial na Kòrsou. Normalmente esei sa sosodé riba e promé djamars di e luna nobo. Gasoline ta baha ku alrededor di 33 sèn bai Naf 1,99 i disel ku algu mas ku 43 sèn te Naf 1,79 pa liter.

E bahada fuerte di e tarifanan na pòmp pa tantu gasolin komo disel ta prinsipalmente  konsekuensia di un bahada fuerte di e preis di kompra.

Anteriormente minister Ruisandro Cijntje a informá riba su página di Facebook ku e preisnan nobo pa kombustibel lo a drenta na vigor riba 1 di yanüari.  De fakto ta supervisor BTP ta enkargá ku komunikashon di adaptashon di preis.

Ku e preis di gasoline nobo Kòrsou ta bèk na e nivel di mart 2021. Na komienso di e aña aki disel tabata mas barata ku un preis di Naf 1,71 liter na pòmp.

Awa i koriente 

Preis di awa ta kambia kasi nada. Pa e promé 250 kWh  bo ta paga redondeá 70 sèn pa kWh. Den e skal mas haltu, riba 350 kWh, bo ta paga aweró 86 sèn.

Awa si ta subi ku algu mas ku ocho sèn pa 1000 liter. Pa e promé nuebe küb bo ta paga for di 1 di yanüari  Naf 9,32 pa küb. Esun ku ta usa mas tambe  ta paga ocho sèn mas pa küb. Usadónan grandi ku ta usa mas ku binti küb, mester paga Naf 18,37 pa liter pa e loke nan usa mas.