WILLEMSTAD – E tim di Little League di Kòrsou ta yega awe mèrdia kuartu pasá di tres ku buelo AA2739 di American Airlines for di New York. Gobièrnu a prepará un bonbiní kaluroso na Hato.

Djasabra nan a bira kampion internashonal di Little League World Series Baseball. E hóbennan di Kòrsou a gana di e tim di Taiwan den un finale temblante di 1-0. Pero den e gran final kontra e kampion Merikano nan a pèrdè ku 13-3 di Hawaii.

Apesar di esei gobièrnu ta haña ku tin tur motibu pa ta orguyoso i pa duna homenahe ofisial na nos beisbolistanan hóben. Esei ta sosodé 7’or na Brionplein.

For di Hato te Brionplein un trailer ta kore e Ruta di Karnaval ku e tim hóben. E rekorido ta dura dos ora i ta kuminsá 5’or na Hato.