WILLEMSTAD – Pride Kòrsou ta tuma lugá otro aña di 7 te ku 12 di yüni. Tradishonalmente sa organisá Pride Kòrsou den e último siman di luna di sèptèmber, pero e organisashon a disidí pa laga e evento kana e aña aki pareu ku International Pride Month.

Na kuminsamentu di aña 2023 ta publiká e programa di Pride Kòrsou 2022. E Pride Walk i e apertura ofisial ta tuma lugá en todo kaso riba djaweps 7 di yüni i e parada di boto ta riba djadumingu 11 di yüni. 

Pride Kòrsou a nase for di Get Wet Weekend. Despues di djes aña e organisashon ke laga Pride Kòrsou kana sinkronisá ku International Pride Month na yüni.

Durante e luna ei lo pidi atenshon riba skala mas grandi pa derechonan igual pa e grupo di LGBT.

“Nos ta kere ku ta un bon eskoho pa laga nos eventonan èkstra tambe tuma lugá den e luna aki pa asina engrandesé e konosementu i respaldo mas tantu i ta spera pa haña asina mas espasio pa aseptashon i porfin igualdat pa tur hende na Kòrsou.” Esaki segun Frank Holtslag, Presidente di Pride Kòrsou, ku na 2021 a haña un kondekorashon real pa su trabou i dedikashon pa Pride riba e isla.