ORANJESTAD – Biblioteka Nashonal ta organisá e siman aki un tayer di traha fli pa hubentut. Lo eksponé e flinan ku nan ta traha.

Segun biblioteka subimentu di fli ta forma parti di e kultura Arubiano i tur aña na luna di aprel tin kompetensia di subi fli den barionan.

Ta duna e tayer riba djarason 19 di aprel di 3’or pa 5’or di atardi. Muchanan for di 5 aña ta bonbiní despues di a registrá.

Tur material pa traha fli ta grátis pa e partisipantenan. Na final di e tayer nan lo eksponé e flinan pa públiko riba dianan 21, 24 i 25 di aprel den sala Diamante di Biblioteka Nashonal. Despues di e eksposishon e muchanan ta risibí nan fli bèk.