Kralendijk – Biahero for di Hulanda di 13 aña bai ariba ku ta bai Boneiru, mester por mustra ora di salida un resultado negativo di NAAT-PCR tèst  ku ta maksimal 24 ora bieu.  Nan por skohe tambe pa entregá un resultado negativo di NAAT PCR tèst, e tèst mester ta maksimalmente 72 ora bieu na yegada na Boneiru. Den e kaso akí ora ku nan yega e isla, nan mester hasi mesora un tèst antigéniko, e resultado mester ta negativo.

Mester mustra un Deklarashon di Salú pa tur biahero for di Hulanda di 0 aña bai ariba. Por yena e deklarashon na www.bonairecrisis.com.

Hulanda ta un pais di riesgo haltu pa Boneiru. Biaheronan for di Hulanda por usa prueba digital di corona (Digitaal Corona Certficiaat, DCC) pa nan biahe pa Boneiru. Ta konsehá biaheronan pa nan prent nan resultado di tèst òf pa nan tin esaki den forma digital. Si pa problema tékniko no por lesa e DCC, na Boneiru, i un biahero no tin e resultado di tèst riba papel òf digital, e ora ei e mester laga nan tèst e òf bai den karentena.

Un biahero ku no por mustra resultado negativo di un tèst na yegada, ta kore riesgo di mester bai 10 dia den karentena  i e mes mester paga pa esei. Esaki ta e situashon ku tin awor na e isla. E biahero ta bai den karentena na un lugá indiká pa Gezaghèber. Despues di 5 dia e biahero ei por laga hasi un tèst di PCR na GGD. Si e tèst ta negativo, e tin mag di sali di karentena.

Situashon rònt COVID ta kambia kontinuamente. Pa último notisia tokante desaroyonan na Boneiru: www.bonairecrisis.com.

---

Lesa tambe:

• 
  Partnernan di CAO pa Islanan BES a topa pa deliberá riba desaroyo 
• 
  Organisashonnan Karibe Hulandes ta traha huntu pa preveni violensia kontra hende muhé
• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei 
• 
  Gobièrnu di Boneiru ta urgi solushon pa suma di impuesto liber i salario mínimo