RINCON – E tim nashonal di bala Boneriano ta hunga awe 5 i djadumingu 8 di sèptèmber dos wega na kas den e Liga di Nashonnan Concacaf. Awe nochi nan ta hunga kontra St. Vincent i Grenadines. Riba 8 di sèptèmber nan ta enfrentá El Salvador. Ta hunga ámbos partido den Stadion Antonio Trinidad na Rincon.

E temporada ku a pasa e tim nashonal di Boneiru a sali na di dos lugá den Liga C di Liga di Nashonnan. Esaki tabatin komo konsekuensia ku nan a promové bai Liga B, kaminda nan ta enfrentá e temporada aki tres kontrinkante fuerte. Montserrat tambe ta bini Boneiru. Nan lo hunga dos partido, pero no kontra Boneiru.