KRALENDIJK—Tin un leve retraso den pagamentu di e supsidio pa skol. Esaki diputado Nina den Heyer a bisa djabièrne atardi den konferensia di prensa Bon Informá. 

Segun Den Heyer ta splikando, ta trahando duru pa kaba di prosesá tur petisohon. “Esaki ta nifiká ku empleadonan a traha den oranan di anochi i tambe durante wikent pa purba prosesá tur kos mas lihé posibel, pa por sigui ku e pago”.

E retraso a wòrdu kousá primeramente pa e sistemanan ku ta usando i ku no ta funshonando 100% optimal. 

Den sierto kaso tin mester di papel òf informashon adishonal. “Den e kaso ei lo tuma kontakto ku esun ku a hasi e petishon, pa manda nos e dokumentu òf e informashon mas lihé posibel”, asina Den Heyer a splika.