WILLEMSTAD – Titular di lisensia mayó Cyberluck ta bai kasashon na Korte Supremo na Hulanda. E ke kita dos sentensia den apelashon tokante sup-lisensia for di mesa. E wesnan a husga den e sentensia ku, emitiendo e asina yama sup-lisensianan i no tene kòntròl adekuá, Cyberluck ta atendé ku algu ku e no tin masha konosementu di dje.

Segun Cyberluck desaroyo di derecho i unidad di poder na Kòrsou ta bon sirbí si Korte Supremo hasi un veredikto ku ta duna direkshon tokante (i)legalidat ora titularnan di lisensia mayó emití sup-lisensia na Kòrsou i e ilegalidat di e publikashonnan.

Knipselkrant

E kaso di e sektor di wega di plaka tabata i ta dirigí kontra Nary Cramm di Knipselkrant. E mester a rektifiká ainda den promé instansia, pasobra e ponensia ku emishon di sup-lisensia di Cyberluck ta ‘ilegal’, ta ilegítimo. Wes tabata asta di opinion ku e lei di wega di plaka no ta kontene klousula ku ta prohibí esun ku tin lisensia pa delegá eksplotashon di su lisensia na tersera.

Pero e wesnan den apelashon ta bisa ku Korte den Promé Instansia a trata e legalidat di sup-lisensia konsiso i ku no a pidi pa duna e punto aki un tratamentu kompleto. Esei de fakto no tabata e tópiko di e kaso.

Ku Cramm ta tuma un posishon akivista i ku e ta denunsiá iregularidatnan na Kòrsou ta bisto pa tur lesadó, e wesnan ta bisa. P’esei e mester haña espasio pa eksagerá i provoká i p’esei no mester midi su palabranan riba un balansa di oro, segun Korte. Ademas ekspreshonnan ku ta ofensivo i insultante, eskandaloso òf molestoso tambe meresé protekshon.

Kehonan 

Pa haña Korte Supremo asina leu pa destruí e veredikto den apelashon i mand’é bèk Korte na Willemstad, Cyberluck i su sosionan ta argumenta ku Korte a duna atenshon inhustamente na e kehonan ku Cramm a entregá. No a sigui e prosedura den esaki segun reglanan.

Segun Cyberluck no tin regla den lei ku ta kalifiká e práktika di sup-lisensianan komo ilegal, simplemente pasobra den práktika ta imposibel ku un doño di permit ta tene kòntròl riguroso riba páktika di e titularnan di sup-lisensia. E lógika di Korte ta inkomprensibel òf e ta insufisientemente motivá.

Di mes manera segun Cyberluck lo no tin un norma hurídiko ku ta kalifiká emishon di sup-lisensia komo ilegal. Ademas e empresa ta keda di opinion ku e deklarashonnan di Cramm ta ilegal i no tin sosten den e datonan. No tin espasio segun Cyberluck pa evaluá interesnan manera Korte ta hasi esei den su veredikto.

Korte Supremo ta trata e dos kasonan kada unu apart. E promé ta riba 3 di febrüari 2023 i e di dos riba 24 di febrüari 2023.