KRALENDIJK- Tourism Corporation Bonaire (TCB) resientemente a yama bon biní na Caribbean Yoga Revival, un grupo di bishitante ku a skohe Boneiru pa gosa di nos isla i pa  profundisá mas aleu loke nan ta práktiká hasiendo uso di tayer i meditashon. 

E programa ta enfoká riba kuido propio. Esaki ta enserá vários forma di masashi i tur anochi eksperensianan kulinario ku nan ta prepará ‘live’. E grupo a keda en total 9 dia na nos isla ku bishitante prosedente di Colorado, Merka. Meta di Caribbean Yoga Revival ta pa konektá e bishitantenan na mas tantu habitante lokal posibel pa di e manera ei ofresé nan un eksperensia outéntiko durante nan estadia. 

Meta di Caribbean Yoga Revival ta tambe pa biaha den un forma responsabel i sostenibel pa nos isla i sòru pa esaki ta na bienestar di nos ekonomia lokal. 

Niche

Un di e metanan di e Plan di Rekuperashon di Turismo (Tourism Recovery Plan) ta pa reposishoná nos isla i atraé ‘niche’ turístiko nobo, manera turismo di bienestar.  TCB ta sostené e inisiativa akí i ta spera pa den futuro yama bon biní na mas grupo di bienestar na nos isla.